Það er ekki að spyrja að blíðunni á Kjalarnesi, hér skín sólin á hverfið.  Tikurnar hressar í morgungöngu.

Þá  hefur fjölgað í Schafer rökkunum til undaneldis eftir að niðurstöður úr mjaðma- og olnbogamyndatökunum komu og er Astró frír bæði í mjöðmum og olnbogum.

Mjölnis Astró lauk á síðasta ári skapgerðarmati hjá HRFÍ með sóma.

Þessi rakki er með fasta búsetu Húsavík og einstaklega geðgóður og hraustur. Hér gefur hann sér tíma í smá myndatöku eftir svaml en honum finnst skemmtilegt að busla



 

Það var gaman að fá hana Yrju í heimsókn í dag ásamt Alex, Eisa, Silju og Elvari.

Það er ekki að spyrja að blíðunni, þá er gott að skella sér á pallinn, og litlu svanirnir synda á bakvið

Nú er verið að skoða að para Mjölnis Amíru, svo að Schafer hvolpar gætu litið dagsins ljós í sumar, hér er Polly með einn í kúri.

Við vorum að fá fréttir af olnboga- og mjaðmamyndaniðurstöðum hjá henni Yrju (Mjölnis Össu), en hún fékk A  bæði  í mjöðmum og olnbogum.  Þetta er alveg frábært og óskum við eigendum hennar þeim Alexöndru og Eisa innilega til hamingju með þessar góðu niðurstöður.

Við fengum sendar fréttir og myndir af honum Rökkva (Mjölnis Alex). 
Hann er fluttur í Eyjafjörðinn og býr þar í góðu yfirlæti hjá nýjum eigendum.  Heimilisfólkið þar samanstendur af henni Maríu 19 ára,  foreldrum hennar og systkinum, svo er annar hundur á heimilinu, hestar, kindur, hænur, köttur og naggrís, það er því mikið fjör hjá honum Rökkva í sveitinni.

Eitthvað fór nú úrskeiðis svo engir voru hvolparnir, en vonandi gengur betur næst.

Þökkum ykkur fyrir áhugann en verið bara í bandi þegar haustar.

Væntanlegt er got  hjá Ice Tindra Ræktun, skoðið það,   http://icetindra.123.is/

kv

Þórður og Elín

Skruppum á Esjuna um daginn, hér er gott útsýni !

Vorum að fá nokkrar myndir af Schaferdeildarsýningunni síðasta júli.(nýtt myndaalbúm)

Mikið rosalega var þetta gaman og veðrið frábært.

Rétt misstum af skráningarfrestinum á næstu sýningu, þannig að við verðum ekki með hundana sýnda í þetta sinn. 

Tíkurnar bara hressar og farnar að bíða eftir að vori.